في حاجات بتفقد معناها لما بتتطلب !

السلام عليكم 
بوست الجمعه عاد إليكم من جديد 
وان شاء الله هنزل فتره قدام كده بس افتكر 
المهم هتكلم ف موضوع كده في حاجات بتفقد معناها لما بتطلب 
او يتسال عنها ومن غير رغي كتير 

حاجة زي لما حد يكون بقاله فتره كبيره متكلمتوش ويجي يقولك الي مبيسالش !!

الي هو ها ايرور يعني .؟! جه ف بالي تشبيه عامل زي انه بيرمي الكورة ف ملعبك 
او الي هو زي ف توم وجيري بيرمي الديناميت عليك 
ليه مبتفكرش ان انت كمان مبتسالش بردو 
وانا ممكن ارد عليك واقولك وانت كمان مبتسالش وابقى سئيل عادي جدا !!
ونفضل نرمي الديناميت ف حجر بعض " توم وجيري " 

حاجة زي انك تسال حد اذا كان بيحبك او لا .؟! 

الي هو انت متخيل ايه يعني هيقولك انه مبيحبكش مثلا !
وهتبقى انت نفسك مش راضي ومش حاسسها حتى لو قلك انه بيحبك 
مينفعش تطلب ان حد يهتم بيك .؟! ان مجتش منه هتحس وهتفضل تفكر انه بيعملها 
تادية واجب او الزام عليه 

اما تطلب من حد انه ميعملش حاجة بتضايقك اكتر من مره 

بعد كده ملهاش معنى خلاص الكلام بيفقد معناه 
في حاجات كتير انك تطلبها او تقولها بيخليها ماسخه وملهاش اي لزمة 
ومفيش احسن ولا اريح من انها تيجي كده من غير ما تطلبها 
اتمنى تكون الفكره وصلت :D
وطبعا كالعادة كل حاجة يمكن تطبيقها على امثله كتير 
وممكن تكتشف امثله تانيه وانت عايش ف الدنيا ..

دمتم بخير ^^

Mohamed Khaled Eid	الكاتب
26/11/2019	التاريخ
بوست_الجمعة#	فيسبوك هاشتاج